Showing posts with label សម្រង់សម្ដីសំខាន់ៗ. Show all posts
Showing posts with label សម្រង់សម្ដីសំខាន់ៗ. Show all posts
រឿងនិទាន “រលកជីវិត”
កំសួលខ្យល់ព្យុះជីវិតបានបោកផ្ទប់រូបខ្ញុំទៅជ្រាំងម្ខាងនៃឧបសគ្គរាប់រយជំពូក ដែលពិបាកនឹងហែលឆ្លង។ កាលពីជាង២០ឆ្នាំមុន ខ្ញុំបានកើត និងរស់នៅជំរុំយោធាមួយក្នុងអំឡុងទសវត្សទី៩០ នាជាយក្រុងភ្នំពេញ ។
រៀងរាល់ព្រឹកខ្ញុំតែងឃើញទាហានរត់ជាជួរៗ អមដោយសម្លេងប្រកាសកែនកម្លាំង សន្ធឹកកង់រថពាសដែកហាក់ដូចជាបានស្រែកប្រាប់ថា “ថ្ងៃដឹងក្ដីរបស់ខ្ញុំបានមកដល់ហើយ” ។ មានក្មេងៗដែលជាកូនយោធិនរស់នៅក្នុងបន្ទាយមិនច្រើនទេ ជីវិតបែបនេះមិនប្រកួតប្រជែងគ្រប់វិនាទីដូចក្មេងនៅទីក្រុងឡើយ ។
យ៉ាងណាមិញជីវិតត្រូវរសាត់ពីទីកន្លែងមួយ ទៅកន្លែងមួយឥតឈប់ឈរ ។ បញ្ហាអាក្រក់បានមកបាំងមុខខ្ញុំ ហើយបាំងស្ទើរគ្រប់ជ្រុង បៀបដូចជារលកសមុទ្រដ៏ធំដែលមិនអាចហែលឆ្លង ។
តថភាពនៃមជ្ឈដ្ឋានជុំវិញ បូកផ្សំនឹងឧបសគ្គរាប់រយជំពូក ពិតជាជះឥទ្ធិពលច្រើនដល់ការគិត និងឥរិយបថ។ កាលពីមុនខ្ញុំរស់នៅបែបឯកោនិយម “ប្រើការគិតគំនិតខ្លួនឯង” ជាជាងស្វែងយល់ពីអ្នកជុំវិញខ្លួន ខ្ញុំចូលចិត្តគិត ហើយពេលខ្លះគំនិតមានលក្ខណៈប្លែកខុសពីធម្មតា ។ ដោយសារខ្ញុំបានអានបទពិសោធន៍ជីវិតច្រើនជាងបានទន្ទិញអក្សរក្នុងសៀវភៅ និងលូតលាស់ក្នុងបរិស្ថានខុសពីក្មេងទូទៅ ទើបខ្ញុំមានរបៀបគិតមួយដែលប្លែកពីមនុស្សស្របាលគ្នា ។
-------
រហូតមកដល់បច្ចុប្បន្នរលកជីវិតខ្ញុំ បានប្រសើរខ្លះហើយ តែមិនទាន់ដល់ត្រើយទេ ហើយត្រើយរបស់ខ្ញុំក៏មិនដឹងថានៅទីណាដែរ ។ ក៏ប៉ុន្តែអ្វីដែលខ្ញុំអាចដឹងច្បាស់នៅពេលនេះគឺ «ខ្ញុំមានរបៀបគិតមួយ ដែលមានលក្ខណៈច្បាស់លាស់ជាង២០ឆ្នាំមុន» ហើយពីពេលនេះតទៅ “ផ្លូវណាគួរដើរ និងមិនគួរដើរ” ខ្ញុំអាចយល់បាន ។ ខ្ញុំមិនហ៊ាននិយាយថា ខ្ញុំល្អនោះទេ ហើយរឹតតែមិនហ៊ានគិតថា ខ្ញុំជាមនុស្សជោគជ័យនោះដែរ ។
ជាការពិតណាស់ ១៨ មីនា ជាថ្ងៃកំណើត បានបង្កើតជាចង្កៀងអុចមើលមេរៀននៃរលកជីវិត ។ អរគុណលោកពុក អ្នកម៉ែដែលបានផ្តល់ឱកាសឱ្យកូនបានអានមេរៀនជីវិតដោយខ្លួនឯង ៕
ពាក្យ ៣ ឃ្លាដែលមនុស្សពិបាកនិយាយ តែមានន័យបំផុត
ឃ្លាទី១៖ “ខ្ញុំខុសហើយ!! សូមលើកលែងទោសអោយខ្ញុំផង”
នៅពេលមនុស្សម្នាក់ធ្វើខុស គឺពិបាកណាស់ក្នុងការនិយាយពាក្យសុំទោស ជាពិសេសនៅពេលដែលវាទាក់ទងនិងភាពអាម៉ាស់ ។ បើយោងតាមទស្សនៈវិជ្ជាបានបង្ហាញពីមូលហេតុដែលធ្វើអោយយើងពិបាកនិយាយ នោះគឺដោយសាការនិយាយពាក្យសុំទោស ធ្វើអោយខ្លួនគាត់មានអារម្មណ៍ថាអន់ មានអារម្មណ៍ថាខ្លួនជាមនុស្សគ្មានតម្លៃ និងមានអារម្មណ៍អាម៉ាស ប៉ុន្តែសេចក្ដីពិតនោះគឺផ្ទុយទៅវិញ បើយើងនិយាយពាក្យទាំងនេះបាន មនុស្សគេនឹងកាន់តែស្រលាញ់យើង ហើយយកចិត្តទុកដាក់នឹងយើងខ្លាំងជាងមុនទៅទៀត។
ឃ្លាទី២៖ “សូមជួយខ្ញុំផង”
នេះមិនមែនជាឃ្លាដែលស្វែងរកជំនួយធម្មតានោះទេ ប៉ុន្តែជាឃ្លាដែលបង្ហាញអំពីខ្លួនជួបការលំបាក មិនអាចដោះស្រាយបាននោះទេ ដូច្នេះសូមអ្នកជួយខ្ញុំផង។ យើងពិបាកស្វែងរកឃើញ នៅពេលដែលមនុស្សម្នាក់ហ៊ាននិយាយពាក្យទាំងនេះខ្លាំងណាស់។ ប៉ុន្តែបើយោងតាមការអង្កេត និងការសិក្សារបស់ខ្ញុំ បានបង្ហាញថា ការនិយាយពាក្យឃ្លាទាំងនេះធ្វើមនុស្សម្នាក់ទៀត ចង់ជួយអ្នកវិញ ព្រោះដោយសារការបន្ទាបខ្លួន និងចិត្តអាណិតអាសូរ។
ឃ្លាទី៣៖ “ពាក្យអរគុណ ពាក្យសរសើរ និងពាក្យស្រលាញ់ដល់ឪពុកម្ដាយ”
ឪពុកម្ដាយជាអ្នកមានគុណ ប៉ុន្តែមានមនុស្សតិចតួចណាស់ដែលបាននិយាយពាក្យទាំងនេះជាប្រចាំ។ មនុស្សតិចតួចបានធ្វើ មិនមែនមានន័យថាមនុស្សភាគច្រើនមិនស្រលាញ់ ឪពុកម្ដាយរបស់ខ្លួន គ្រាន់តែពួកគេមានភ័យខ្លាច បូករួមទាំងភាពអៀនខ្មាស់ផង។ បើតាមការសិក្សារបស់លោក ហ្គារី ឆាបមែន បាននិយាយថា ប្រសិនបើយើងអាចនិយាយពាក្យទាំងនេះបានច្រើន ជម្លោះក្នុងគ្រួសារក៏និងកាត់បន្ថយបានដែរ ហើយគ្រួសារនិងកាន់តែមានសុភមង្គលជាមិនខាន។
dooolife
អ្វីទៅជារសជាតិនៃជីវិតដ៏ពេញលេញ ?
“ជីវិតដ៏ពេញលេញមួយ” គឺជាជីវិតដែលធ្លាប់ឆ្លងកាត់ស្ទើរតែគ្រប់រសជាតិទាំងអស់នៃព្រឹត្តិការណ៍ជីវិត ។ ពេលខ្លះវាពិបាកលេប យើងគ្រប់គ្នាពិតមិនចង់សាក មិនចង់ភ្លក្សនោះទេ ប៉ុន្តែនៅទីបំផុតយើងក៏ត្រូវតែទ្រាំលេបទាំងពិបាកជាទីបំផុតឱ្យទាល់តែបាន ។
គេចណាស់ តែងតែជួបណាស់ គេចយ៉ាងណាក៏មិនផុតនោះដែរ ។
ជីវិតជួបតែរឿរ៉ាវដដែលៗ ពេលខ្លះក៏ចាប់ផ្តើមយល់ថាខ្លួនឯងហត់នឿយជាខ្លាំង ចង់ឈប់ ចង់សម្រាកឱ្យបានយូរនៅទីនេះ លែងចង់ឈានជើងធ្វើដំណើរបន្តទៅមុខទៀតហើយ ។
សម្ពាធជីវិតពិតជាធ្ងន់ពិបាកនៅក្នុងការរែកពុនជាខ្លាំង ប៉ុន្តែបើយើងម្នាក់ៗយល់ថាវាពិបាកខ្លាំង ចុះហេតុអ្វីបានជាយើងមិនទម្លាក់អំរែកនោះចោលខ្លះទៅ? យើងក៏ដឹងដែរថាមានរឿងខ្លះសំខាន់សម្រាប់ជីវិតយើង ហើយរឿងមួយចំនួនទៀតក៏ពុំសូវជាសំខាន់នោះទេ ដូច្នេះយើងអាចទម្លាក់វាចោលខ្លះដើម្បីជីវិតនេះបន្តទៅមុខទៀតយ៉ាងរលូន ។
ធ្លាប់ឈឺចាប់ ធ្លាប់សើចសប្បាយ ធ្លាប់បាត់បង់ ធ្លាប់ត្រូវគេបោះបង់ ធ្លាប់ត្រូវគេសើចចំអក ធ្លាប់ត្រូវគេមើលងាយ ប៉ុន្តែពាក្យថាធ្លាប់ហ្នឹងហើយ ដែលជាបទពិសោធន៍ដើម្បីឱ្យយើងអាចបន្តរស់នៅរហូតមកដល់ថ្ងៃនេះ ។ ពាក្យចំនួន ៣ម៉ាត់ ដែលជីវិតគួរតែយកទៅតាមគឺ “ញញឹម សង្ឃឹម និង តស៊ូ” ៕
មនុស្សពូកែគឺជាមនុស្សដែលចិញ្ចឹមឪពុកម្ដាយបាន
ពេលអាយុកាន់តែច្រើន ប្អូននឹងដឹងថា
អ្វីដែលពិបាកជាងការប្រឡងចូលមហាវិទ្យាល័យល្អៗ
គឺការរកបានការងារល្អៗ
អ្វីដែលពិបាកជាងការរកប្ដីល្អ គឺការរកបានមុខរបរល្អ
អាយុកាន់តែច្រើន ប្អូននឹងឆ្ងល់ថា
ពុកម៉ែយកលុយមកពីណាមកចិញ្ចឹមយើង
ព្រោះប្រាក់ខែយើង ៣០០ដុល្លារ ស្ទើរតែមិនសល់សម្រាប់ជូនពុកម៉ែឡើយ
ប្អូននឹងចាប់ផ្ដើមសង្ស័យថា ហេតុអីឪពុកម្ដាយអាចចិញ្ចឹមកូន ៣-៤នាក់បាន ប៉ុន្តែកូន ៣-៤នាក់ រៀនចប់មានការងារធ្វើអស់ ប៉ុន្តែគ្មានអ្នកណាចិញ្ចឹមឪពុកម្ដាយវិញបាន
ប្អូននឹងយល់ថា ហេតុអីឪពុកម្ដាយត្រូវធ្វើការច្រើន
ថ្ងៃសម្រាកក៏មិនបានសម្រាក
ដល់យប់ងងឹតក៏មិនទាន់បានហូបបាយ...
ប្អូននឹងយល់ ថាគាត់ខំប្រឹងដើម្បីអ្នកណា
ថ្ងៃមួយប្អូននឹងយល់ថា ជីវិតពេលរៀន
គឺជាពេលវេលាដែលមានក្ដីសុខបំផុតហើយ
ព្រោះមានអ្នករកលុយឲ្យចាយ រៀនបណ្ដើរ ដើរលេងបណ្ដើរមិនបាច់គិតអីច្រើន
ថ្ងៃមួយប្អូននឹងយល់ថា
តម្លៃជីវិតមិនមែនអាស្រ័យលើទូរសព្ទថ្មីៗ ឬកាបូបប្រ៊េនថ្លៃៗទេ ប៉ុន្តែគឺអាស្រ័យលើទំនួលខុសត្រូវ និងការចេះភ្ញាក់រឭករបស់មនុស្ស
នៅថ្ងៃឪពុកម្ដាយស្លាប់... ថ្ងៃនោះហើយគឺជាថ្ងៃដែលលោកនេះ គ្មានអ្នកណាដែលស្រលាញ់ប្អូនស្មើជីវិតទៀតឡើយ!!
កាលពីមុន ប្អូនអាចយំចង់បានសង្សារ
ប៉ុន្តែថ្ងៃមួយប្អូននឹងស្រែកយំរកតែឪពុកម្ដាយ ដែលគ្មានថ្ងៃត្រលប់មករកប្អូនវិញបាន
ថ្ងៃនេះ អត្ថបទនេះ ប្អូនអានហើយ អាចនឹងមិនទាន់យល់
ប៉ុន្តែថ្ងៃណាមួយប្អូននឹងយល់ច្បាស់
#មនុស្សពូកែគឺជាមនុស្សដែលចិញ្ចឹមឪពុកម្ដាយបាន
#រសជីវិត
ប្រមូលផ្ដុំសម្ដីកំពូលមនុស្សទាំង៦ លើភាពជោគជ័យ
បុគ្គលគ្រប់រូបរមែងប្រាថ្នាចង់បានជោគជ័យរៀងៗខ្លួន ទាំងជោគជ័យក្នុងជីវិតគ្រួសារ ជោគជ័យក្នុងទំនាក់ទំនង ពិសេសគឺជោគជ័យក្នុងជីវិតការងារតែម្ដង។ ដ្បិតថាបុគ្គលគ្រប់រូបសុទ្ធតែមានក្ដីស្រមៃ និងប្រាថ្នាចង់ក្លាយខ្លួនជាបុគ្គលជោគជ័យ ប៉ុន្តែមិនប្រាកដថាបុគ្គលទាំងនោះសុទ្ធតែអាចជោគជ័យបានគ្រប់ៗគ្នានោះទេ។ តើគួរធ្វើបែបណាទើបអាចក្លាយជាបុគ្គលជោគជ័យបាន? ថ្ងៃនេះ យើងខ្ញុំសូមស្រង់ទស្សនៈបុគ្គលល្បីៗ៦ឃ្លា មកបង្ហាញជូនប្រិយមិត្តអ្នកអានដើម្បីធ្វើជាប្រទីប ឬទុកជាការត្រិះរិះពិចារណា រួមមានដូចខាងក្រោម៖
១. រ៉ូបឺត ឃូលីយេ អ្នកនិពន្ធ ជនជាតិអាមេរិក៖ “ជោគជ័យ គឺជាលទ្ធផលរួមផ្សំរវាងការខំប្រឹងប្រែងតូចៗជាច្រើនដែលអនុវត្តជាប្រចាំរៀងរាល់ថ្ងៃ”។ ក្នុងន័យនេះ លោកប្រហែលចង់សំដៅថា ភាពរួមផ្សំគ្នានៃការខិតខំប្រឹងប្រែងបន្តិចបន្តួចជាប្រចាំរៀងរាល់ថ្ងៃ នឹងធ្វើឱ្យជោគជ័យកើតមានឡើង។
២. Jack Ma មហាសេដ្ឋីពិភពលោក ជនជាតិចិន៖ “បើចង់បើកអាជីវកម្មផ្ទាល់ខ្លួនឱ្យជោគជ័យ សូមកុំធ្វើដើម្បីតែលុយឱ្យសោះ ត្រូវតែរៀនរកដំណោះស្រាយ”។ លោក Jack Ma លើកឡើងបែបនេះ ហាក់បីមានបំណងចង់ឱ្យសហគ្រិនគ្រប់រូបផ្ដោតសំខាន់ទៅលើការរកដំណោះស្រាយនិងវិធីសាស្រ្តដើម្បីគ្រប់គ្រងអាជីវកម្ម ជាជាងការគិតតែពីផលចំណេញ ឬលុយកាក់ នោះទើបអាជីវកម្មអាចទទួលបានជោគជ័យ។
៣. ឧកញ៉ា វេជ្ជបណ្ឌិត គួច ម៉េងលី ស្ថាបនិក ប្រធានក្រុមប្រឹក្សាភិបាល និងអគ្គនាយកប្រតិបត្តិនៃក្រុមហ៊ុន ម៉េងលី ជេ. គួច អេឌ្យូខេសិន៖ “ជោគជ័យកើតចេញពីភាពលម្អិត ហ្មត់ចត់ និងមានឆន្ទៈខ្ពស់ក្នុងការបំពេញការងារ”។ សូមជម្រាបជូនថា ទស្សនៈមួយឃ្លានេះ ទំនងមានន័យថា ការធ្វើកិច្ចការអ្វីមួយប្រកបដោយភាពលម្អិត ហ្មត់ចត់ និងមានឆន្ទៈខ្ពស់ នឹងធ្វើឱ្យបុគ្គលគ្រប់រូបទទួលបានជោគជ័យយ៉ាងពិតប្រាកដ។
៤. វិនស្តុន ឆឺឈីល អ្នកនយោបាយ ជនជាតិអង់គ្លេស៖ “ជោគជ័យ គឺការធ្វើដំណើរពីបរាជ័យមួយឆ្ពោះទៅរកបរាជ័យមួយទៀត ដោយមិនត្រូវឱ្យបាត់បង់ការខំប្រឹងប្រែងស្ទុះស្ទាឡើយ”។ លោក វិនស្តុន ឆឺឈីល លើកឡើងបែបនេះ ហាក់បីចង់សំដៅថា ជោគជ័យកើតឡើងពីការខំប្រឹងប្រែង តស៊ូ ជម្នះ ទទូច ព្យាយាម និងប្រឆាំងនឹងបរាជ័យម្ដងហើយម្ដងទៀតដោយមិនបោះបង់ និងមិនអស់សង្ឃឹម។
៥. ណាប៉ូលេអុង ហ៊ីល អ្នកនិពន្ធអាមេរិក៖ “ជោគជ័យ នឹងមិនអាចទៅរួចបានឡើយ ប្រសិនបើគ្មានឆន្ទះ”។ ឃ្លានេះប្រហែលជាមានន័យថា ឆន្ទះគឺជាចំណុចដ៏សំខាន់និងចម្បងបំផុត ដើម្បីធ្វើកិច្ចការអ្វីមួយប្រកបដោយជោគជ័យ។
៦. Larry Ellison អ្នកនិពន្ធជនជាតិអាមេរិក៖ “ចង់ជោគជ័យ ត្រូវធ្វើអ្វីដែលអ្នកចង់ធ្វើ មិនមែនធ្វើអ្វីតម្រូវតាមចិត្តអ្នកដទៃនោះទេ”។ លោក Larry Ellison លើកឡើងបែបនេះ ទំនងជាចង់សំដៅថា ប្រសិនបើយើងធ្វើអ្វីមួយដោយចំណង់ខ្លួនឯង ដោយការស្រឡាញ់ពេញចិត្ត និងមិនធ្វើដើម្បីតម្រូវតាមចិត្តនរណាម្នាក់ នោះភាគរយនៃឱកាសជោគជ័យនឹងកើតមានឡើងកាន់តែខ្ពស់ឡើង៕
ប្រភព៖
1. www.mjqquote.com
2. The Business Reader
3. សៀវភៅ “គតិរួមលោក”
1. www.mjqquote.com
2. The Business Reader
3. សៀវភៅ “គតិរួមលោក”
ឆាលី ឆាបលីន ស្ដេចកំប្លែងលើពិភពលោក 1889-1977
សៀវភៅ "ទម្លាប់ល្អទាំង ៧ សម្រាប់យុវវ័យ"
មនុស្សគ្រប់គ្នាប្រាថ្នាចង់ចេះចង់ដឹង និងចង់ទទួលបានជោគជ័យឆាប់ៗក្នុងឆាក់ជីវិតរបស់ពួកគេ។ ពួកគេម្នាក់ៗមានតែទម្លាប់ស្រមៃនិងនិយាយប៉ុណ្ណោះ ថាខ្លួនចង់ចេះចង់ដឹង និងចង់ជោគជ័យក្នុងជីវិត។ ប៉ុន្តែពួកគេមិនដែលមានទម្លាប់ «ចង់អនុវត្តន៍របៀបជោគជ័យ» នោះសោះឡើយ។
តើមនុស្សជោគជ័យមានទម្លាប់បែបណា? ហើយគេអនុវត្តន៍វាដោយរបៀបណា? ខាងក្រោមនេះជាគំនិត និងទម្លាប់របស់មនុស្សជោគជ័យ៖
រឿងអប់រំខ្លី ៖ តម្លៃនៃមិត្តភាព
មានមនុស្សប្រុស៤នាក់ដែលរាប់អានគ្នាយ៉ាងល្អប្រៀបដូចជាបងប្អូនបង្កើត ដែលពួកគេតែងតែជួយគ្នាទៅវិញទៅមក មិនថាស្ថិតក្នុងកាលៈទេសៈណាទេ។ មានថ្ងៃមួយពួកគេទាំងបួននាក់បានជួបជុំគ្នា ហើយក៏នាំគ្នាលេងបៀរបន្តិចបន្តួចតាមបែបមនុស្សប្រុស ទុកជាការកំសាន្ត។ លេងបៀរបណ្តើរ និយាយគ្នាបណ្តើរ ប៉ុន្តែស្រាប់តែមានម្នាក់ក្នុងចំនោមនោះស្រាប់តែបានសន្លឹកបៀរធំ ហើយដោយសារតែភាពលោភលន់របស់ខ្លួន ទើបក៏សំរេចចិត្តដំលើងលុយក្នុងការលេងល្បែង ធ្វើអោយគ្រប់គ្នាមានការឆ្ងល់។
ពេលនោះដែរ ក៏មានបងប្អូនម្នាក់ទៀតមានបៀរធំក្នុងដៃដូចគ្នា និងចង់ឈ្នះលុយផង ក៏ព្រមព្រៀងដំលើងលុយ ហើយថែមលុយពីលើនោះទៀត រួមទាំងផ្ទះ ទាំងសោរឡាន ធ្វើអោយបរិយាកាសនៃការលេងបៀរកំសាន្តទៅជា ការលេងល្បែងស៊ីសងយកឈ្នះចាញ់គ្នា ដោយមិនយល់យោគសូម្បីតែបងប្អូនល្អរបស់ខ្លួន។ ក្នុងនោះ មានម្នាក់ដែលជាបងធំក្នុងចំនោមបងប្អូនទាំង៤នាក់ មានការខឹងសម្បារជាខ្លាំងទៅលើប្អូនទាំងពីរនាក់នោះ រួចហើយក៏ដើរចេញពីវង់បៀរ ឃើញបែបនេះប្អូនទី២ក្នុងក្រុមក៏ឈប់លេងដែរ ហើយរត់តាមបងធំរបស់ខ្លួន។
ចំនែកឯបងប្អូនទាំងពីរអ្នកដែលលោភលន់នោះ មានការស្តាយក្រោយដែលមិនអាចឈ្នះបានច្រើនព្រោះបៀរដែលខ្លួនកាន់ក្នុងដៃសុទ្ធតែបៀរធំ។ ពួកគេមិនអស់ចិត្តក៏បើកមើលបៀររបស់បងធំ និងបងទី២ របស់ខ្លួន ទើបដឹងថា បងទាំងពីររបស់ខ្លួនកាន់បៀរធំជាងបៀររបស់ពួកគេ ប៉ុន្តែបែរជាមិនព្រមបន្តលេងល្បែងដោយខ្លាចពួកគេចាញ់អស់ប្រាក់ អស់ទ្រព្យសម្បត្តិទាំងអស់របស់ខ្លួន។ ដឹងបែបនេះហើយ ធ្វើអោយពួកគេ មានការស្តាយក្រោយជាខ្លាំង ដែលពួកគេអោយល្បែងដឹកមុខ ភ្លេចអស់នៅទឹកចិត្តស្រលាញ់ និង មិត្តភាពដ៏ស្មោះសរបស់ពួកគេដែលរាប់អានគ្នាមកជាច្រើនឆ្នាំមកនេះ។
ប្រភព៖ អាណាចក្រ
សម្ដីចុងក្រោយរបស់ស្ថាបនិកមន្ទីពេទ្យគន្ធបុប្ផា Beat Richner
លោកបានជួយធ្វើឲ្យមន្ទីរពេទ្យគន្ធបុប្ផាដំណើការនៅរាជធានីភ្នំពេញក្នុងឆ្នាំ១៩៩២
បន្ទាប់ពីមន្ទីរពេទ្យនេះត្រូវបានបំផ្លិចបំផ្លាញនៅសម័យសង្គ្រាម។
ដោយសារការកើនឡើងនៃតម្រូវការសេវាព្យាបាលជំងឺកុមារដោយឥតគិតថ្លៃ
មន្ទីរពេទ្យនេះត្រូវបានពង្រីកបន្ថែមចំនួនបួនទៀត នៅរាជធានីភ្នំពេញ
និងខេត្តសៀមរាប។ បច្ចុប្បន្នមានបុគ្គលិកចំនួន២៥០០នាក់
កំពុងបម្រើការឲ្យមន្ទីរពេទ្យទាំងនេះ។
ជាង២៥ឆ្នាំមកនេះ
មានកុមារជាង១២លាននាក់បានទទួលការព្យាបាលជំងឺពីមន្ទីរពេទ្យគន្ធបុប្ផា
ដែលមានទីតាំងចំនួនប្រាំកន្លែងនៅក្នុងប្រទេស។
បើតាមតួលេខប្រចាំឆ្នាំរបស់មន្ទីរពេទ្យគន្ធបុប្ផាឆ្នាំ២០១៦
ដែលបង្ហោះលើទំព័រហ្វេសប៊ុករបស់លោកវេជ្ជបណ្ឌិត រិចឆ្នឺរ បានឲ្យដឹងថា
កុមារមានជងឺចំនួន ៨៤៨ ៣៩៣នាក់
ត្រូវបានព្យាបាលនៅក្នុងផ្នែកពិគ្រោះជំងឺក្រៅ ដែលកើនឡើង ១២ភាគរយ
ច្រើនជាងឆ្នាំ២០១៥។ តួលេខបានបង្ហាញថា កុមារមានជំងឺធ្ងន់ធ្ងរចំនួន ១៥៥
៣៣៨ នាក់ ត្រូវបានដាក់ឲ្យសម្រាកនៅមន្ទីរពេទ្យ ដែលចំនួននេះកើនឡើង១៣
ភាគរយ ច្រើនជាងក្នុងឆ្នាំ២០១៥។
គិតមកត្រឹមខែមីនា ឆ្នាំ២០១៧ មានកុមារជាង
៧ម៉ឺននាក់បានមកទទួលការព្យាបាល
និងសម្រាកព្យាបាលនៅក្នុងមន្ទីរពេទ្យគន្ធបុប្ផានេះ។
Subscribe to:
Posts
(
Atom
)
