នៅពេលលែងលះគ្នាតើ ប្ដី-ប្រពន្ធ ត្រូវចែកទ្រព្យសម្បត្តិយ៉ាងណាដើម្បីយុត្តិធម៌ ?

ផ្អែកតាមមាត្រា ៩៨០ នៃក្រមរដ្ឋប្បវេណី ការចែកទ្រព្យសម្បត្តិចំពោះប្ដី-ប្រពន្ធ ដែលព្រមព្រៀងគ្នាថាលែងលះត្រូវធ្វើឡើងដោយយុត្តិធម៌នៅចំពោះមុខតុលាការ ៖

១-ជម្រើសទី១ ចៅក្រមនឹងទុកពេលឱ្យប្ដីប្រពន្ធទាំងពីរពិភាក្សាគ្នាក្នុងការបែកចែកទ្រព្យនោះ ។

២-ក្នុងករណីដែលមិនអាចពិភាក្សាគ្នា ឬនិយាយមិនត្រូវគ្នាទេ គេត្រូវចែកទ្រព្យនោះតាមចំណុចនីមួយៗ ដូចខាងក្រោម ៖

     ក- ប្ដី ឬប្រពន្ធ ត្រូវទទទួលទ្រព្យសម្បត្តិរបស់ខ្លួនដែលមានមុនពេលរៀបអាពាហ៍ពិពាហ៍ (ភាសា          ច្បាប់គេហៅថា “ទ្រព្យដោយឡែក” មាត្រា ៩៧២) មានន័យថា នរណាមានទ្រព្យប៉ុន្មានមុន            ​​​​      ពេលរៀបការ ត្រូវទទួលយកទ្រព្យទំហំប៉ុននោះវិញក្រោយពេលលែងលះរួច ។

     ខ-បន្ថែមពីលើទ្រព្យដោយឡែក ប្ដី ឬប្រពន្ធ មានចំណែកយកទ្រព្យរួមទៀតម្នាក់ពាក់កណ្ដាល          ​   (ទ្រព្យរួមគឺជាទ្រព្យដែលមានក្នុងអំឡុងពេលប្ដី-ប្រពន្ធរួមរស់នៅជាមួយគ្នា) មានន័យថា       ​​​              ក្រោយចែកទ្រព្យដោយឡែករៀងៗខ្លួនហើយ តុលាការនឹងយកទ្រព្យរួមទាំងអស់ ដែលប្ដីប្រពន្ធ            នោះរកបានមកចែកជាពីរចំណែកទៀត ឱ្យទៅភាគីម្ខាងៗ ។

បញ្ជាក់៖ប្រសិនបើមានការទាមទារចំពោះទ្រព្យរួមនេះពីភាគីខាងប្ដី ឬប្រពន្ធ ណាដែលចង់បានទ្រព្យច្រើនជាង ចៅក្រមនឹងពិនិត្យមើលទៅលើស្ថានភាពជាក់ស្ដែងនៃ ប្ដី ឬប្រពន្ធនោះ ។ ការពិនិត្យមើលនេះ តុលាការអាចពិចារណាទៅលើ៖ ទំហំនៃការរកចំណូល, ការថែរក្សាទ្រព្យ, ស្ថានភាពអាយុ, កម្រិតជីវភាព, ស្ថានភាពផ្លូវចិត្ត, ការប្រកបរបរវិជ្ជាជីវៈ, លទ្ធភាពធ្វើការងារភាគីណាម្នាក់,​ និងជាពិសេសគឺផ្អែកលើផលប្រយោជន៍របស់កូនប្រសិនបើប្ដី-ប្រពន្ធមានកូនក្នុងបន្ទុក ។

សម្គាល់៖ គេហកិច្ច ឬកិច្ចការងារផ្ទះត្រូវចាត់ទុកថាមានតម្លៃស្មើនឹងការងារដែលធ្វើក្រៅផ្ទះ ។