សៀភៅណែនាំ "ការចុះបញ្ជីពាណិជ្ជកម្ម និងអាជីវកម្ម"

ចុចទីនេះទាញយកឯកសារ

• ឈ្មោះក្រុមហ៊ុនជាភាសាខ្មែរ និងអង់គ្លេស
• តម្លៃក្នុងមួយភាគហ៊ុន
• ស្គែនឯកសារបញ្ជាក់ពីទីតាំង (វិក័យប័ត្រទឹក អគ្គិសនី កិច្ចសន្យាជួល ប្លង់ដី)
• អ៊ីុមែល
• ស្គែនលិខិតឆ្លងដែន ឬអត្តសញ្ញាណប័ណ្ណសញ្ជាតិខ្មែរពីអ្នកដែលមានភាគហ៊ុន/នាយក
• ច្បាប់ថតចម្លងឌីជីថលនៃព័ត៌មានលម្អិតរបស់បុគ្គលិក(សូមមើលគំរូនៅទីនេះ)
• ច្បាប់ថតចម្លងឌីជីថល (ស្គែន) អនុស្សរណៈ និងលក្ខន្តិកៈក្រុមហ៊ុនរបស់អ្នក
• ច្បាប់ចម្លងឌីជីថលលិខិតបញ្ជាក់ដើម្បីធានាអះអាងថាអ្នកមិនបានជាប់បទឧក្រិដ្ឋណាមួយឡើយ(សូមមើលគំរូនៅទីនេះ)
• គណនេយ្យធនាគារ៖  ប្រសិនបើអ្នកទូទាត់ថ្លៃសេវាចុះឈ្មោះតាមប្រព័ន្ធអនឡាញ អ្នកត្រូវបង្កើតគណនេយ្យនៅធនាគារ អេស៊ីលីដា។ បើមិនដូច្នេះទេ អ្នកអាចទូទាត់ដោយផ្ទាល់ តាមរយៈធនាគារផ្សេងៗ  ឬទៅក្រសួងពាណិជ្ជកម្ម។
• ភស្តុតាងបញ្ជាក់ដើមទុនវិនិយោគ៖ ចំនួនដើមទុនគឺអាស្រ័យលើសកម្មភាពអាជីវកម្មរបស់អ្នក ប៉ុន្តែជាធម្មតាម្ចាស់អាជីវកម្មត្រូវមានប្រហែល $1,000 យ៉ាងជាក់ស្តែងដែលយើងបានរកឃើញថាយ៉ាងហោចណាស់អ្នកត្រូវមានប្រហែល $5,000 ឡើងទៅ។ អ្នកគួរតែបើកគណនេយ្យធនាគារសម្រាប់ក្រុមហ៊ុននៅធនាគារណាមួយដើម្បីតម្កល់ដើមទុនរបស់អ្នក។ ធនាគារនឹងចេញឯកសារបញ្ជាក់ដើម្បីជាភស្តុតាងបញ្ជាក់ថាអ្នកបានតម្កល់ប្រាក់សម្រាប់ប្រគល់ជូនក្រសួងពាណិជ្ជកម្ម។ ក្រសួងពាណិជ្ជកម្មមានគោលបំណងចង់ដឹងថាម្ចាស់អាជីវកម្មមានដើមទុនគ្រប់គ្រាន់ក្នុងការប្រកបអាជីវកម្ម។
• រូបថតទំហំរូបថតក្នុងលិខិតឆ្លងដែន

ជំហានទី1 ៖ ចុះឈ្មោះជាអ្នកប្រើប្រាស់ថ្មីនៅលើគេហទំព័ររបស់ក្រសួងពាណិជ្ជកម្ម

• នៅខាងស្តាំ ចុចលើ “Register as new user”( “ចុះឈ្មោះជាអ្នកប្រើប្រាស់ថ្មី”)
• ពេលចេញផ្ទាំងទំព័រថ្មី កុំចុចលើ “create an organization” (“បង្កើតស្ថាប័ន”) ពីព្រោះវាជាជំហានដែលត្រូវធ្វើនៅពេលក្រោយ
• បំពេញទម្រង់បែបបទសម្រាប់គណនេយ្យរបស់អ្នក ព័ត៌មានអំពីអ្នកប្រើប្រាស់ និងព័ត៌មានទំនាក់ទំនង។ អ្នកអាចជ្រើសរើសភាសាជា ភាសាខ្មែរឬអង់គ្លេស អាស្រ័យលើចំណង់ចំណូលចិត្តរបស់អ្នក។
• នៅពេលបំពេញរួច ចុចលើពាក្យ “create”( “បង្កើត”) នោះអ្នកនឹងឃើញផ្ទាំងថ្មីលេចចេញមក។ នេះមានន័យថា អ្នកបានបង្កើតគណនេយ្យបានជោគជ័យ។ បន្ទាប់ពីនោះ អ្នកអាចចូលទៅកាន់គណនេយ្យរបស់អ្នកពេលណាក៏បាននៅពេលក្រោយ។

ជំហានទី2៖ ការកក់ឈ្មោះក្រុមហ៊ុន


ក្នុងជំហានទី2នេះគឺ អ្នកត្រូវកក់ឈ្មោះក្រុមហ៊ុនរបស់អ្នក។ ការចុះបញ្ជីពាណិជ្ជកម្មនិងកក់ឈ្មោះក្រុមហ៊ុនគឺជានិតិវិធី2ផ្សេងគ្នា។ អ្នកនឹងត្រូវរង់ចាំទទួលការអនុញ្ញាតសម្រាប់ការចុះបញ្ជីពាណិជ្ជកម្មរបស់អ្នក។

នៅខាងឆ្វេងនៃទំព័រ ចុចលើពាក្យ “reserve a company name” (“កក់ឈ្មោះក្រុមហ៊ុន”។ អ្នកត្រូវសរសេរឈ្មោះក្រុមហ៊ុនរបស់អ្នកជាភាសាខ្មែរ និងអង់គ្លេស ហើយប្រាកដថាឈ្មោះនោះអាចប្រើប្រាស់បាន។ ចំពោះឯកសារជំនួយគឺមិនចាំបាច់ក្នុងជំហាននេះទេ។ ដូច្នេះ អ្នកអាចដាក់បញ្ជូននៅពេលដែលអ្នកមានឯកសារគ្រប់គ្រាន់។

នៅពេលអ្នកបានចុចបញ្ជូន ជំហានបន្ទាប់គឺអ្នកត្រូវបង់ថ្លៃសេវា។
ជំហានទី3៖ ទូទាត់ថ្លៃសេវាកម្មចុះឈ្មោះ


ថ្លៃសេវាកម្មលើការកក់ឈ្មោះក្រុមហ៊ុនគឺ 40 000 រៀល។ អ្នកអាចបង់តាមប្រព័ន្ធអនឡាញ ឬបង់ដោយផ្ទាល់ក៏បាន។ សម្រាប់ថ្លៃសេវាលើការចុះបញ្ជីពាណិជ្ជកម្ម និងការទូទាត់ថ្លៃសេវាកម្មផ្សេងៗទៀតតាមប្រព័ន្ធអនឡាយ អ្នកអាចទូទាត់តាមរយៈធនាគារ អេស៊ីុលីដា មួយតែប៉ុណ្ណោះ។ ប្រសិនបើអ្នកប្រើគណនេយ្យធនាគារផ្សេង អ្នកត្រូវទៅទូទាត់ដោយផ្ទាល់។

នៅពេលអ្នកចុច “បញ្ជូន” អ្នកនឹងឃើញ “fee payment” (“ការទូទាត់ៃថ្លសេវាកម្ម”) នៅលើអេក្រង់។ អ្នកត្រូវជ្រើសរើសមួយក្នុងចំណោមពីរ ធនាគារ អេស៊ីលីដា ឬ ការផ្ទេរប្រាក់តាមអេឡិចត្រូនិច។

• ជ្រើសរើសវិធីក្នុងការទូទាត់ថ្លៃសេវាកម្មដែលអ្នកត្រូវបង់
• បំពេញព័ត៌មានគណនេយ្យធនាគារ
• ស្នើសុំលេខ OTP (អ្នកត្រូវវាយលេខ6ខ្ទង់ដែលអ្នកបានទទួលតាមរយៈទូរស័ព្ទរបស់អ្នក)
• បន្ទាប់ពីដំណើរការចប់ ចុចលើ “back to merchant”
• រក្សារទុក ឬ ព្រីនបង្កាន់ដៃដែលបានបង្ហាញលើអេក្រង់

• ចុចលើប៊ូតុង “Cancel” (បោះបង់)នៅខាងឆ្វេង
• នៅពេលឃើញប្រអប់សារមួយចេញមកដែលសួរបញ្ជាក់ថាតើ អ្នកពិតជាចង់បោះបង់ ចូរអ្នកចុចលើលើប៊ូតុង” Yes”(ចាសឬបាទ)
• បន្ទាប់មកប្រអប់សារមួយទៀតចេញមកដែលសុំឲ្យអ្នក បោះបង់ចោលឬបង់ពេលក្រោយ។ ដូច្នេះ អ្នកចុចលើប៊ូតុង “Pay later” (ទូទាត់ពេលក្រោយ)។

ជំហាន 4៖ រង់ចាំការអនុម័តលើឈ្មោះក្រុមហ៊ុនរបស់អ្នក

ជំហាន 5 ៖ ចុះបញ្ជីពាណិជ្ជកម្មរបស់អ្នក

• ចុចលើប្រអប់ “select a reserve name”(ជ្រើសរើសឈ្មោះសម្រាប់កក់)។ បន្ទាប់មក ចុចជ្រើសរើសឈ្មោះក្រុមហ៊ុន(ដែលអ្នកបានកក់រួចពីមុនមក)
• បញ្ចូល អនុស្សរណៈ និងលក្ខន្តិកៈក្រុមហ៊ុន

• កំណត់កម្មវត្ថុនៃអាជីវកម្មរបស់អ្នក។ វាគឺជាសកម្មភាពអាជីវកម្មជាសកល។ កម្មវត្ថុអាជីវកម្មគឺត្រូវមានលេខកូដនិងមាននៅក្នុងប្រអប់ជ្រើសរើស។ អ្នកគ្រាន់តែជ្រើសរើសសកម្មភាពណាដែលសាកសមនឹងអាជីវកម្មរបស់អ្នកជាទីបំផុត។
• កំណត់សកម្មភាពអាជីវកម្មសំខាន់ៗ។ អ្នកត្រូវរៀបរាប់ឲ្យបានក្បោះក្បាយជាង កម្មវត្ថុអាជីវកម្ម ហើយអ្នកត្រូវជ្រើសរើសសកម្មភាពដែលត្រូវនឹងអាជីវកម្មរបស់អ្នកជាទីបំផុតដែលបានបង្ហាញនៅក្នុងប្រអប់ដែលបានលេចចេញមក។

• អ្នកត្រូវសរសេរតម្លៃក្នុងមួយហ៊ុនជាដុល្លាអាមេរិកនិងរៀល។ (សូមមើលក្នុងអនុស្សរណៈ និងលក្ខន្តិកៈក្រុមហ៊ុន)

• អ្នកត្រូវប្រាប់អំពីចំនួនបុគ្គលិកទាំងពីរភេទ
• អ្នកត្រូវប្រាប់អំពីចំនួនបុគ្គលិកជនជាតិខ្មែរនិងបរទេស
• “តំណែងរបស់បុគ្គលិក” ក៏ត្រូវបញ្ចូលផងដែរ។ សូមមើលឯកសារគម្រូនិងបំពេញព័ត៌មានអំពីបុគ្គលិករបស់អ្នក។
• “ឯកសារយោង“ មួយចំនួនអាចបញ្ចូលបាន។

ជំហានទី6៖ ការទូទាត់ថ្លៃសេវាលើការចុះបញ្ជីពាណិជ្ជកម្ម

• ជ្រើសរើសវិធីក្នុងការទូទាត់ថ្លៃសេវាកម្មដែលត្រូវបង់
• បំពេញព័ត៌មានគណនេយ្យធនាគារ
• ស្នើសុំលេខ OTP (អ្នកត្រូវវាយលេខ6ខ្ទង់ដែលអ្នកបានទទួលតាមរយៈទូរស័ព្ទរបស់អ្នក)
• បន្ទាប់ពីដំណើរការចប់ ចុចលើ “back to merchant”
• រក្សារទុកឬបោះពុម្ពបង្កាន់ដៃដែលបានបង្ហាញលើអេក្រង់

ជំហាន 7៖ រង់ចាំការអនុម័តនៃចុះបញ្ជីពាណិជ្ជកម្មរបស់អ្នក

• អ្នកបានបំពេញទម្រង់ពាក្យបែបបទចុះឈ្មោះបានជោគជ័យ
• ទម្រង់ពាក្យបំពេញបែបបទរបស់អ្នកត្រូវបានត្រួតពិនិត្យពីប្រព័ន្ធខាងក្នុង
• ទម្រង់ពាក្យបំពេញបែបបទរបស់អ្នកទទួលបានការអនុម័ត
• អ្នកត្រូវបញ្ជូនទម្រង់ពាក្យបំពេញបែបបទម្តងទៀតបើសិនជាអ្នកត្រួតពិនិត្យឃើញថាមានបញ្ហាខុសឆ្គងត្រង់ណា។ អ្នកត្រូវកែកំហុសនោះដោយអ្នកត្រូវបញ្ជាក់ហេតុផលដែលខុស ដោយមានចង្អុលបង្ហាញក្នុង “return reason” (មូលហេតុដែលមិនត្រឹមត្រូវ)។ បន្ទាប់មក អ្នកត្រូវបំពេញនិងបញ្ជូនទម្រង់បំពេញបែបបទចុះឈ្មោះឲ្យបានរួចរាល់ក្នុងរយៈពេល15ថ្ងៃ។
• ទម្រង់ពាក្យបំពេញបែបបទរបស់អ្នកត្រូវបានគេបដិសេធ។ ដូច្នេះ អ្នកមិនអាចចុះឈ្មោះពាណិជ្ជកម្មរបស់អ្នកបានឡើយ។

ជំហានទី8៖ បោះពុម្ពវិញ្ញានបនប័ត្ររបស់អ្នក

ជំហានទី9៖ ចុះឈ្មោះប្រកាសពន្ធប្រចាំឆ្នាំ