នីតិការងារ ដោយសាស្ត្រចារ្យ ហ៊ែល ចំរើន

ចុចទីនេះដើម្បីទាញយកឯកសារ

ច្បាប់​​ស្តីពីការងារដែលរដ្ឋសភាបានអនុម័តកាលពីថ្ងៃទី១០ ខែមករា ឆ្នាំ១៩៩៧ នា​សម័យ​​​ប្រជុំលើកទី៧ នីតិកាលទី១មានគោលបំណងគ្រប់​គ្រងរាល់ទំនាក់ទំនង​ដែលកើត​ចេញពីកិច្ចសន្យាការងារ រវាងនិយោជក និងកម្មករនិយោជិតដើម្បី​យកមកអនុវត្តលើទឹកដី​នៃព្រះ​រាជាណាចក្រកម្ពុជា ទោះបីកិច្ចសន្យានោះធ្វើឡើង​នៅទីណា​ក៏ដោយ ទោះបីជា​ភាគីទាំង​នោះមានសញ្ជាតិជាអ្វីហើយស្នាក់នៅទីណាក៏ដោយ ពោលគឺឱ្យតែមាន គោល​បំណង​​មក​អនុវត្តក្នុងព្រះរាជាណាចក្រកម្ពុជា។

ច្បាប់ការងារនេះអនុវត្តចំពោះសហគ្រាស ឬគ្រឹះស្ថាន ឧស្សាហកម្ម រ៉ែ ពាណិជ្ជកម្ម សិប្បកម្ម សេវា កសិកម្ម ដឹកជញ្ជូនតាមផ្លូវគោក ផ្លូវទឹក ទោះជាប្រយោជន៍សាធារណៈ ពាក់កណ្តាលប្រយោជន៍សាធារណៈ ឬឯកជន ក្រៅសាសនា ឬក្នុងសាសនាក៏ដោយ ទោះ​មាន​លក្ខណៈ​ជាការបង្រៀនវិជ្ជាជីវៈ ឬជាការកុសល ក៏ដោយ ទ្រពទាំងវិជ្ជាជីវៈ​សេរីនៃ​សមាគម ឬនៃក្រុមប្រភេទណាក៏ដោយ។

ច្បាប់នេះក៏ត្រូវអនុវត្តទៅលើបុគ្គលិកទាំងអស់ដែលគ្មានគ្រប់គ្រងដោយលក្ខន្តិកៈអ្នករាជការ ឬលក្ខិកៈទូត ព្រមទាំងក្រុមភ្នាក់ងារក្រុមរាជការ​សាធារណៈដែល​តែងតាំងដោយ​បណ្តោះ​អាសន្នដែរ។ លើសពីនេះ ច្បាប់នេះមិនត្រូវអនុវត្តផងដែរទៅលើចៅក្រមតុលាការ។  ជនដែល​តែងតាំងឱ្យធ្វើការជា អចិន្ត្រៃយ៍ក្នុង ក្របខណ្ឌរាជការសាធារណៈ។ និងបុគ្គលិក​នគរបាល កងទ័ព និងកងតម្រួតដែលគ្រប់គ្រង ដោយលក្ខខណ្ឌ ដោយឡែក។