កំណាព្យ ដួងចិត្តនែបនិត្យត្រឹមក្ដីស្រមៃ
ព្រះច័ន្ទរះឆ្ងាយតែកាយកៀកមេឃ
ទោះខ្ពស់អនេកមិនភ្លេចរាត្រី
ប្រៀបដូចចិត្តបងជំពាក់ស្នេហ៍ស្រី
រឮកចរណៃបេះដូងចំបែង ។
ឱ្យតែរាត្រីនឹកថ្លៃម្លេះទេ
ហរទ័យខ្វល់រេគិតព្រួយតែឯង
ពេលនៅជិតអូនរៀមចង់ប្រឡែង
តែសោកសង្រេងត្រឹមក្ដីស្រមៃ។
ស្នេហ៍ក្នុងសុបិនមិនមែនការពិត
បេះដូងខ្វល់គិតមិនអស់អាល័យ
អារម្មណ៍ហោះហើរផ្ញើទៅកាយស្រី
នេះឬស្នេហ៍ថ្លៃបានត្រឹមសុបិន ៕
-----------
ប៉ាការស ឃី ពិសី
យប់ថ្ងៃទី២២ កក្កដា ២០១៩
Subscribe to:
Post Comments
(
Atom
)
No comments :
Post a Comment